برنامج الريادي المحترف
نظام متكامل لبناء مشروع يعبّر عن حقيقتك، منظم وقادر على النمو من غير الاعتماد الكامل عليك
برنامج متكامل لمدة 17 أسبوع، أشتغل فيه معاك بشكل مباشر من خلال لقاءات فردية أسبوعية، ونبدأ من المكان اللي أنت فيه: نكتشف المشروع المناسب لك، أو نحوّل مهارتك وفكرتك إلى مشروع، أو نعيد بناء مشروعك القائم.
وفي كل الحالات، نجمع بين وعيك الداخلي وتصميم مشروعك وتنظيمه من كل النواحي، حتى يعمل بكفاءة ويخدم نمط حياتك.
وينك اليوم في رحلة ريادة الأعمال؟
يمكن حاليًا ما عندك مشروع قائم، أو ما عندك فكرة واضحة تبدأ منها، وتبي تدخل عالم المشاريع وريادة الأعمال، لكن للحين ما تعرف شنو المشروع المناسب لك واللي يعبّر عنك.
ويمكن عندك مهارة أو فكرة، لكن للحين مو عارف شلون تحوّلها إلى مشروع، أو يمكن مشروعك قائم فعلاً، لكن مو قاعد يشتغل بالطريقة اللي تبيها وتتمناها.
مهما كان مكانك اليوم، فإنت غالبًا قاعد تمر بواحد من هالتحديات:
أبي أبدأ مشروع… بس ما أعرف شنو المشروع المناسب لي
عندك رغبة جادة إنك تبدأ، لكن للحين ما اكتشفت مهارتك الطبيعية، أو شنو تقدر تقدمه للناس بطريقة تعبّر عنك وتخدم نمط حياتك.
عندي مهارة أو فكرة… لكن ما أعرف شلون أحوّلها إلى مشروع
تعرف شنو تبي تقدّم، لكن عناصر المشروع مو واضحة عندك، وتحس إن البداية غامضة وصعبة: منو العميل؟ شنو الخدمة؟ شلون أبيع؟ ومن وين تبدأ؟
عندي مشروع… لكن مو ماشي مثل ما أنا أبي
أنت المسؤول عن كل القرارات والعملاء والتسويق والبيع والعمليات، وقاعد تشتغل وايد، لكن النتائج مو ثابتة، وإذا وقفت يوقف المشروع معاك.
أعرف شنو المفروض أسوي… لكن مو قاعد أطبّق
ممكن تكون الخطوات واضحة أمامك، لكن في مقاومة أو أنماط متكررة تخليك تؤجل، أو تغيّر قراراتك، أو تبدأ وبعدين توقف بدون استمرارية.
كل مرحلة من هالمراحل لها تحدياتها، لكن الحل مو في زيادة المعلومات ولا بتكرار المحاولات العشوائية، أنت تحتاج نظام يبدأ من خلالك، ثم ينتقل إلى تصميم مشروعك بالكامل وتنظيمه، عشان يتحول إلى مشروع واضح يعمل بكفاءة وقادر على النمو ويخدم نمط حياتك.
شنو راح نبني مع بعض؟
برنامج الريادي المحترف مو كورس يعطيك معلومات عامة ويتركك تطبقها بروحك. خلال 17 أسبوع، راح نشتغل على ثلاث مراحل مترابطة تبدأ من خلالك، ثم تنتقل إلى تصميم مشروعك بالكامل.
المرحلة الأولى · 8 أسابيع
عقلية وهوية رائد الأعمال وتصميم المشروع
في هالمرحلة راح نبدأ من خلالك، عشان نبني مشروع يتناسب مع حقيقتك وقدراتك ونمط الحياة اللي تبي تعيشه.
- اكتشاف مهارتك الطبيعية وكيفية توظيفها في مشروع.
- اكتشاف نقاط قوتك والجوانب اللي تحتاج إلى تطوير.
- تحديد قيمك وربطها بالمشروع.
- توضيح حلمك ورؤيتك ونمط الحياة اللي تبي تعيشه.
- بناء هويتك كرائد أعمال.
- فهم الأدوار الأساسية اللي يحتاجها مشروعك.
- استخدام أداة تطوير المشروع لتقييم وضعه وتحديد احتياجاته.
- تصميم المشروع وعناصره الأساسية.
المرحلة الثانية · 5 أسابيع
العناصر المؤثرة في المشاريع
بعد ما تتضح هويتك وفكرة مشروعك، ننتقل إلى بناء العناصر اللي تمكّنه من الوصول إلى عملائه وتحقيق الدخل والنمو.
- القيادة التسويقية للمشروع.
- البيع وتنويع مصادر الدخل.
- تصميم رحلة العميل.
- بناء فريق العمل.
- وضع خطة واضحة لنمو المشروع.
المرحلة الثالثة · 4 أسابيع
تنظيم المشروع بالكامل
في المرحلة الأخيرة، نحوّل تصميم المشروع إلى نظام عملي واضح يساعده على العمل بكفاءة ويقلل اعتماده الكامل عليك.
- هيكلة المشروع أو إعادة هيكلته بما يتناسب مع رؤيتك المستقبلية ونمط الحياة الذي ترغب بعيشه.
- بناء دليل تشغيلي يعبّر عنك ويوضح طريقة عمل المشروع، ويساعدك على التوظيف والتفويض والتوسع.
- جمع كل ما تم العمل عليه منذ البداية وتقديمه لك في كتيب كمرجع لك.
آراء العملاء
اشتغلت مع أكثر من بزنس كوتش لكن ما قدرت أكمل معاهم؛ مدارس البيزنس الأخرى تتنافى مع قيمي، اللي فيها الأولوية شلون أطلع فلوس أكثر. فقدت الأمل، إلى أن شفت مدرستك، المبنية على أساس خدمة الآخرين، الطاقة الموجودة طاقة عطاء مو أخذ. شكرًا إنك حولت مصطلحات البيزنس الأنانية إلى تعليم يخدم الصالح العام.
ما كنت أتخيل بيوم إني أقدر أفوض شغل كنت أسويه بنفسي، وكنت أعتقد إنه مستحيل أحد يسويه بنفس طريقتي. اليوم صار عندي أول عضو بفريقي، شخص أقدر أعتمد عليه. ما تتخيلون كمية الراحة اللي حسيت فيها، كأن حمل ثقيل كان على ظهري وأخيرًا صار أخف.
أعيش بتدفق رائع من بدأت أطبق السيستم بالمركز. اكتشفت حقيقة إن المال يحب النظام، وطالما فيه نظام أكيد فيه تدفق. عرفت أوزع المهام وأفوض بطريقة سلسة وفيها تحسينات بكل مرة.
شنو راح يكون عندك بنهاية البرنامج؟
بحسب المرحلة اللي بدأت منها، يكون عندك:
- ✓مشروع متوافق مع مهارتك الطبيعية ونقاط قوتك وقيمك ونمط حياتك.
- ✓تصميم واضح لعناصر المشروع وطريقة عملها مع بعض.
- ✓وضوح في العميل والخدمة أو المنتج وطريقة البيع والتسويق.
- ✓رحلة عميل واضحة ومتكاملة.
- ✓تصور واضح لفريق العمل والأدوار المطلوبة.
- ✓خطة عملية لنمو المشروع.
- ✓دليل تشغيلي يساعدك على إدارة المشروع والتوظيف والتفويض.
- ✓مشروع منظم عنده القدرة على العمل والنمو من غير الاعتماد الكامل عليك.
شلون نشتغل مع بعض؟
طوال مدة البرنامج، ما تكون بروحك في التطبيق، نشتغل بشكل مباشر من خلال:
- ✓لقاءات فردية أسبوعية.
- ✓تطبيقات عملية مرتبطة بمشروعك.
- ✓مراجعة التنفيذ والتقدم بشكل مستمر.
- ✓متابعة عن طريق الواتساب بين اللقاءات.
- ✓التعامل مع معيقات النمو والمقاومة والأنماط المتكررة عند ظهورها.
- ✓الانضمام إلى مجتمع الريادي المحترف.
خبرة لم تُبنَ من مجال واحد
برنامج الريادي المحترف مو مبني على نظرية أو قالب جاهز يُطبّق بالطريقة نفسها على الجميع، هو نتيجة سنوات من الخبرة، والعمل المباشر، ومتابعة مشاريع مختلفة من الداخل.
خلال رحلتي، اشتغلت مع مدربين، وأصحاب خدمات، ومصانع، ومشاريع تقدم منتجات، ورغم اختلاف مجالاتهم وطريقة عملهم، كل مشروع منهم كان يحتاج إلى تصميم وتنظيم يتناسب مع صاحبه، وعملائه، ورؤيته، والمرحلة اللي يمر فيها.
هالتنوع اهو اللي خلّى منهج البرنامج قابل للتطبيق على نماذج مختلفة من المشاريع، سواء كان المشروع قائم على مهارة، أو خدمة، أو منتج ملموس، أو عملية إنتاج متكاملة.
مشروعك غير منفصل عنك
ممكن تكون عندك خطة واضحة، واستراتيجية مناسبة، وتعرف بالضبط شنو المفروض تسويه، لكن مع ذلك ما تطبّق، أو تبدأ فترة وتتوقف، أو تكرر قرارات وأنماط ما توصلك إلى النتيجة اللي تبيها.
لأن المشروع مو مجرد خطط وتسويق وعمليات، المشروع انعكاس لصاحبه، طريقة تفكيرك، ونظرتك لنفسك، ومعتقداتك، ومشاعرك، وحتى مقاومتك الداخلية، كلها تظهر في قراراتك وطريقة إدارتك للمشروع والنتائج اللي تحققها.
لهذا، في برنامج الريادي المحترف ما نكتفي ببناء المشروع من الخارج، نراقب التطبيق والتنفيذ مع بعض، وإذا كانت الخطوات العملية صحيحة لكن النتائج متوقفة، نلتفت إلى ما يحدث داخلك: نلاحظ المقاومة والأنماط المتكررة، ونكشف شلون تؤثر على مشروعك، ثم نعمل على توجيهها وتغييرها.
وفي الوقت نفسه، العمل الداخلي وحده ما يكفي من غير مشروع واضح ومنظم على أرض الواقع، لذلك نجمع بين وعيك الداخلي والعمل المادي، حتى يكون مشروعك تعبيرًا حقيقيًا عنك، وفي الوقت نفسه تكون عنده القدرة على التوسع والنمو وتحقيق أثره.
هل برنامج الريادي المحترف مناسب لك؟
صُمّم لك إذا كنت
- ✓جاد في بدء مشروع جديد، أو تحويل مهارتك أو فكرتك إلى مشروع، أو تطوير مشروعك القائم.
- ✓تؤمن بأن المشروع غير منفصل عن صاحبه، وأن نتائجه تتأثر بما يحدث داخله.
- ✓مستعد للعمل على الجانب الداخلي والجانب العملي والمادي في الوقت نفسه.
- ✓جاد في تطبيق ما نعمل عليه، ومستعد للالتزام بحضور اللقاءات طوال مدة البرنامج.
البرنامج غير مناسب لك إذا كنت
- ✕تبحث فقط عن خطوات واستراتيجيات عملية، من غير الاستعداد للنظر إلى الجانب الداخلي وتأثيره على مشروعك.
- ✕تبحث عن معلومات إضافية من غير نية جادة للتطبيق والتنفيذ.
- ✕غير مستعد للالتزام بحضور اللقاءات والعمل على التطبيقات المطلوبة بين اللقاءات.
آراء العملاء
برنامجك ما كان مجرد برنامج، كان نقطة تحول عظيمة ونقلة كبيرة بمسيرة حياتي ككل. سابقًا كنت دائمًا أبحث عن مشروع ناجح، واكتشفت خلال رحلتي إن أعظم مشروع هو أنت كشخص، باكتشاف ذاتك واستثمار قدراتك بتطوير حياتك.
تجربة التخرج من هذا البرنامج وحدة من أجمل وأثرى الرحلات اللي مريت فيها. فتحت لي أبواب جديدة ما كنت أشوفها، وعرفتني على جانب مختلف وجميل من عالم البزنس. اكتشفت إن السهولة بالحياة تظهر لك لما يكون معاك الشخص الصح ويعلمك الطريقة الصح.
الرحلة فاقت توقعاتي، ومو بس تعلمت منها الشي اللي يخص بزنسي — الرحلة عملت لي Up-grade بجميع الجوانب. حسيت بالعمق بالإرشاد والقيادة، إضافة لقدرته على ترتيب أفكاري ثم ترجمتها وصياغتها لكلمات ثم أفعال أطبقها.
شلون تبدأ رحلتك في برنامج الريادي المحترف؟
الانضمام إلى البرنامج يبدأ بمكالمة استكشافية مدتها ساعة، نتعرف فيها على وضعك الحالي ونتأكد مع بعض من مدى ملاءمة البرنامج لك.
احجز المكالمة الاستكشافية
تختار الموعد المناسب لك لإجراء مكالمة مباشرة مدتها ساعة.
نتعرف على وضعك الحالي
نتكلم عن المرحلة اللي أنت فيها اليوم، سواء كنت تبحث عن فكرة مشروع، أو عندك مهارة أو فكرة، أو تملك مشروعًا قائم، ونتعرف على أهدافك والتحديات اللي تواجهها.
نتأكد من ملاءمة البرنامج لك
خلال المكالمة نتعرف على نظرتك للمشروع ومدى توافقك مع منهج الأكاديمية، لأن البرنامج ما يركز فقط على الجانب العملي والمادي، بل يقوم على الإيمان بأهمية الوعي، وإن نتائج المشروع هي انعكاس لما يحدث داخل صاحبه.
القبول والانضمام
إذا كان البرنامج مناسبًا لك، يتم إبلاغك بالقبول خلال المكالمة وإرسال رابط الدفع لإتمام انضمامك وبدء رحلتك في برنامج الريادي المحترف.
الأسئلة الأكثر شيوعًا
شنو يصير إذا موعد اللقاءات ما ناسبني؟+
بعد انضمامك إلى البرنامج، نحدد موعد أسبوعي مناسب للطرفين، وأنا مؤمن إن البرنامج رحلة متكاملة تمتد لمدة 17 أسبوع، ومن الطبيعي أن تظهر خلالها ظروف عند أحد الطرفين، في هالحالة يتم التنسيق مسبقًا وتأجيل اللقاء إلى موعد آخر بطريقة سلسة.
ممكن مع الوقت أكتشف إن هذا مو المشروع اللي أبيه؟+
لهذا السبب، نبدأ البرنامج بالتأكد من نوعية المشروع المناسب لك قبل الدخول في تفاصيل بنائه، نعتمد في ذلك على مهارتك الطبيعية، ونقاط قوتك، وقيمك، ونمط الحياة اللي تبي تعيشه، وبناءً على هالمعطيات نصمم مشروع متناغم معك.
وإذا ظهرت عندك لاحقًا رغبة في التوقف أو تغيير المشروع، نبحث مع بعض: هل المشروع فعلاً مو مناسب لك، أو إن في مقاومة أو نمط متكرر يمنعك من الاستمرار؟ عشان يكون قرارك نابع من وعي ووضوح، مو من خوف أو مقاومة داخلية.
إذا عندي شريك، هل يقدر يحضر معاي اللقاءات؟+
إي نعم، يقدر شريكك يحضر معاك، لكن بعض اللقاءات تحتاج إلى العمل الفردي بشكل مباشر، لذلك فقد تكون عليها رسوم إضافية، ويتم توضيح ذلك والاتفاق عليه مسبقًا.
هل أقدر أشتغل على مشروعين في الوقت نفسه؟+
إي نعم، راح نعمل على اكتشاف الرسالة المشتركة بين المشروعين، ونتعامل معهما كأنهما مشروع واحد، حتى يكون عندك اتجاه واضح ونمنع التشتت بينهما.
مستعد تبني مشروعًا يعبّر عنك وعنده القدرة على النمو؟
إذا كنت جاد في بدء مشروعك، أو تحويل مهارتك وفكرتك إلى مشروع واضح، أو إعادة بناء مشروعك القائم بطريقة منظمة تعبر عنك، احجز المكالمة الاستكشافية عشان نتعرف على وضعك ونتأكد إن برنامج الريادي المحترف مناسب لك.